ALT, yəni alanin aminotransferaza analizi qaraciyərin zədələnməsini yoxlamaq üçün aparılan bir analizdir. Qaraciyərin müxtəlif mənşəli zədələnmələri zamanı – dərman maddələri, alkoqol, virus hepatitləri və s. təyin olunur.
Qaraciyərimiz çox vacib funksiyalar yerinə yetirir:
- qəbul etdiyimiz qidaların həzmi üçün öd sintez edir
- qandan bütün toksinləri və artıq maddləri təmizləyir
- fermentlər və xolesterol sintez edir
Hepatit və sirroz kimi xəstəlikləri qaraciyəri zədələyərək bu həyatı vacib funksiyaları yerinə yetirməyə qoymur.
ALT ən çox qaraciyərdə olur, az miqdarda böyrəkdə və digər orqanlarda da rast gəlinir. Orqanizmimiz ALT-dən qida maddələrini enerjiyə çevirmək üçün istifadə edir. Normada ALT səviyyəsi qanda aşağı olur. Əgər qaraciyər zədələnmişsə o daha çox ALT sintez edir, nəticədə qanda da miqdarı yüksəlmiş olur.
ALT ilə birgə digər qaraciyər sınaqları AST, QQT, ALP, Albumin, Bilirubin aparılır.
ALT təyin olunur:
- Hepatit viruslarına yoluxma zamanı
- Çoxlu alkoqol qəbulu zamanı
- Əgər ailə anamnezində qaraciyər xəstəliyi varsa
- Qaraciyəri zədələyən dərman qəbul edilmişsə
Həmçinin illik profilaktik çek-ap müayinələrinə ALT daxil edilir.
P.S. ALT-nin rast gələ biləcəyiniz köhnə adı serum glutamik-piruvik transaminaza (SGPT)dir.
(1 votes, average: 4,00 out of 5)
Loading...Author Info
No Comments