Hepatit virusları müalicə edilmədikdə qaraciyərdə və ümumən orqanizmdə bir sıra ağırlaşmalara səbəb ola bilər. Bunlarda qaraciyərin fibrozu və sirrozu yetərincə tez-tez rast gəlinir. Hepatitlərin ağırlaşmalarından bir qisminin, məsələn qaraciyər çatışmazlığının qarşısını almaq mümkündür. Əgər sizdə hepatit varsa aşağıda sadalanan ağırlaşmalardan xəbərdar olmalısınız.
1. Fibroz
Xroniki hepatitlərin ən çox səbəb olduğu ağırlaşma qaraciyərin fibrozu, yəni qaraciyər toxumasının çapıqlaşmasıdır. Fibroz zamanı qaraciyər daimi iltihablanır, öz toxumasını bərpa etməyə çalışdıqda isə çapıqlar meydana çıxır. Belə toxuma isə artıq normal funksiya yerinə yetirmir. Qaraciyərin sağlam hissələrinə 2qat yük düşür.
2. Qaraciyərin sirrozu
Fibroz həddindən çox artdıqda sirroza çevrilir. Hepatit B, Hepatit C və alkoqol hepatiti sirroza getirib çıxaran əsas səbəblərdəndir. Sirroz çox hallarda geridönülməz bir patologiyadır və son mərhələdə qaraciyər transplantasiyası tövsiyə edilir.
3. Qaraciyər xərçəngi
Qaraciyər xərçəngi sirrozun fəsadı kimi inkişaf edə bilər. Qaraciyərdə 2 cür xərçəng müşahidə olunur- hepatosellülar karsinoma və xolangial karsinoma. Birinci halda qaraciyər hüceyrələri zədələnir, ikinci halda isə proses öd axacaqlarında baş verir.
4. Qaraciyər çatışmazlığı
Qaraciyər çatışmazlığı hepatitlərin çox ağır fəsadıdır. Qaraciyərin funksiyasının dayanması bütün orqanizm üçün ölümcül bir vəziyyətdir və yeni bir qaraciyər köçürülmədiyi halda letal sonluqla nəticələnir.
5. Qlomerulonefrit
Qlomerulonefrit böyrəklərin iltihabı prosesidir, çox zaman autoimmun baş verir. Xroniki Hepatit B və Hepatit C-dən əziyyət çəkən şəxslərdə tez-tez rast gəlinir. Müalicə olunmasa böyrəklər ağır zədələnə bilər.
6. Krioqlobulinemiya
Bu xəstəlik kiçik qan damarlarının anormal zülal kütlələri ilə tutulmasıdır. Normada çox az rast gəlinən bir xəstəlikdir, lakin xroniki Hepatit B və C xəstələri risk altındadırlar. Belə pasiyentlərdə krioqlobulinemiya qan dövranı problemlərinə səbəb olur.
7. Qaraciyər ensefalopatiyası
Qaraciyərin funksiyasının kəskin pozulması beyin toxumasının iltihabına, yəni ensefalopatiyaya səbəb ola bilər. Ensefalopatiya özünü psixi problemlərlə göstərir, ağır hallarda pasiyent komaya düşə bilər. Letal sonluq yetərincə tez-tez rast gəlinir.
8. Portal hipertenziya
Qaraciyərin əsas funksiyalarından biri qanın zərərli maddələrdən təmizlənməsidir. Hepatit və onun ağırlaşmaları nəticəsində qapı venasından qaraciyərə qan daxil ola bilmir, təzyiq artır, bu portal hipertenziya adlanır.
9. Porfiriya
Porfiriya bədəndə porfirinlər adlanan kimyəvi maddələrin metabolizminin pozulması səbəbindən əmələ gəlir. Bunların bir növü Porfiriya cutanea tara zamanı əllərdə və üzdə suluqlar və yaralar əmələ gəlir ki, bu da xroniki Hepatit C-nin nadir ağırlaşmalarından biridir.
10. Virus ko-infeksiyası
Hepatitlərin ən ağır fəsadlaşmalarından biri eyni zamanda iki virusa yoluxmadır. Hepatit öz-özlüyündə ikinci infeksiyaya səbəb olmur, amma orqanizmin immunitetinin digər infeksiya ilə mübarizə aparması çox çətinləşir. Hepatitli xəstələrdə ona görə tez-tez HİV (QİÇS) rast gəlinir. Əgər sizdə hepatit varsa HİV-ə qarşı tədbirli olmalısınız.
(No Ratings Yet)
Loading...Author Info
No Comments