Yüksək qan təzyiqi, digər adıyla hipertenziya beynəlxalq bir problemdir. Ümümdünya Səhiyyə Təşkilatının verdiyi məlumata əsasən 1 milyard insan yüksək qan təzyiqindən əziyyət çəkir. 51% insultların və ürək xəstəliklərinin 45%-nin kökündə yüksək qan təzyiqi dayanır.
İllərlə aparılan tədqiqatların nəticəsində yüksək qan təzyiqi il Natriumun (NaCl- xörək duzu) əlaqəsi təsdiq olunmuşdur. Ona görə də hipertenziyası olan insanlara qidalarında duz istifadəsini azaltmaq tövsiyə olunur.
Yüksək təzyiqlə mübarizənin bir yolu qəbul edilən natriumu azaltmaq olsa da, digər bir yolu qəbul etdiyimiz kaliumun miqdarını artırmaqdır. Araşdırmalar zamanı aydın olmuşdur ki, qidalarında çoxlu kalium qəbul edən insanlarda qan təzyiqi həmişə aşağı olur. Ona görə də gündəlik yetərli kalium qəbul edilməsi natrium qan təzyiqinə göstərdiyi mənfi təsiri balanslaşdıra bilir.
Tərkibində daha çox kalium mənbəyi olan qidalar
- banan
- kök
- nar
- portağal
- yağsız qatıq
- kartof (qabığı ilə birlikdə bişirilmiş)
- lobya
- soya
- qızılbalıq
- ispanaq
(No Ratings Yet)
Loading...Author Info
No Comments