Qaraciyəri zədələyən viruslardan biri də Hepatit E virusudur. Hepatit E əksərən bir-neçə aya sağalır və xronikləşib uzunmüddətli fəsadlara gətirib çıxarmır. Lakin hamilə qadınlar, immuniteti zəif olan xəstələr, yaşlı insanlar üçün ciddi təhlükə törədə bilər.
Hepatit E virusla yoluxmuş qida və su vasitəsilə yoluxur (fekal-oral mexanizm). On görə də gigiyenik şərait pis olan, suların təmizlənmədiyi yerlərdə epidemiya şəklində özünü göstərir.
Xəstəliyin simptomları özünü yoluxmadan 2-6 həftə ərzində göstərir. Bəzi xəstələrdə ümumiyyətlə heç bir əlamət olmaya bilər. Diqqət edilməli əlamətlər
- qızdırma
- əzginlik, yorğunluq hissi
- aclığın olmaması, qidadan imtina
- qarında ağrı
- sidiyin rənginin tündləşməsi
- nəcisin rəngsiz olması
- oynaqlarda ağrı
- dərinin və gözün ağının saralması
Hepatit E bir-çox hallarda öz-özünə 4-6 həftəyə sağalır. Simptomları azaltmağa kömək edir
- dincəlmək
- sağlam qidalarla qidalanmaq
- çoxlu su içmək
- alkoqoldan uzaq olmaq
(No Ratings Yet)
Loading...Author Info
No Comments