Zəncəfil bilinən ən faydalı ədvalardan biridir. Bədən və beyin üçün bioaktiv əlavələrlə zəngindir. Onu bəzən “super qida” adlandırırlar. Təbii halda, qurudulmuş, toz şəklində, yağı və şirəsi də istifadə oluna bilər. Tərkibində gingerol maddəsi vardır ki, gingerol çox güclü iltihab əleyhinə maddədir. Həmçinin antioksidant effekti də vardır.
Zəncəfil ürəkbulanmaya qarşı çox effektlidir. Keçmiş zamanlarda gəmiçilər zəncəfilin bu faydasını bilib, dəniz tutması zamanı istifadə edirdilər. Hazırda əməliyyat sonrakı, kimya terapiyası zamanı və hamilələrdə olan ürəkbulanma zamanı istifadə edilir.
Zəncəfil əzələ ağrısı zamanı effektlidir. Osteoartrit kimi yetərincə çox rast gəlinən oynaq xəstəlikləri zamanı da təsir göstərir. Oynaqlarda sərtlik və ağrını azaldır. Həzm funksiyasına kömək edir, dispepsiyanı aradan qaldırır.
Şəkərli diabetdən əziyyət çəkən pasiyentlərə zəncəfil tövsiyə olunur. Çünki qanda şəkəri azaltmağa kömək edir. Eyni zamanda xolesterin səviyyəsini azaltdiğı üçün ürək xəstəlikləri riskini də azaldır.
Tez-tez stress keçirmək və xroniki iltihab, bildiyimiz kimi, yaşlanma prosesini tezləşdirir. Bu da öz növbəsində ağıl zəifliyi və Alzheymer xəstəliyinin yaranma ehtimalını artırır. Araşdırmalar göstərir ki, zəncəfil beyni yaşlanma ilə bağlı olan dəyişikliklərdən qoruyur və üstəlik beyin funksiyalarını yaxşılaşdırır.
(No Ratings Yet)
Loading...Author Info
No Comments