Yeni tədqiqatlar nəticəsində alkoqol hepatiti ilə bağlı ölüm sayının artdığı aşkarlanıb. Çoxlu alkoqol qəbulu qaraciyərin iltihabına – hepatitə səbəb olur ki, o da müalicə olunmadıqda qaraciyər sirrozuna çevrilir. Sirroz zamanı qaraciyər toxuması artıq əvvəlki kimi funksiyasını icra edə bilmir. Nəzərə alsaq ki, qaraciyərdə 500-dən çox proses icra olunur, onun işinin zəifləməsi bütün orqanizmə öz təsirini göstərir.
Statistikaya əsasən alkoqol hepatiti 65% artmışdır. Ən qorxulusu isə alkoqol asılılığının və onun səbəb olduğu xəstəliklərin yayılması gənc əhali (25-34 yaş) arasında qeydə alınmışdır.
Erkən mərhələdə aşkarlandıqda sirroz müalicə olunur və qaraciyərin işi normallaşır. Lakin bir-çox hallarda son mərhələdə yalnız həkimə müraciət olunduğundan yardım göstərmək olmur.
Unutmayın, alkoqola görə hər bir ölüm azı 10 il itirilmiş həyat və dağılmış bir ailə deməkdir.
(No Ratings Yet)
Loading...Author Info
No Comments